U xela ha luambo

U xela ha luambo. Luambo lu xela musi vhambi vhalwo vha sa tsha lu shumisa. Zwi vhavhaho ndi zwauri ri ḓo sala ri tshi tou vha ḓivhazwakale u fana na dinasoso dze dza ngalangala ha sala zwifanyiso. Muvhuso wa Afrika Tshipembe wo zwi kona u tendela nyambo dza Vharema dzi tshi shuma lwa tshiofisi fhedzi vhaambi vhalwo vha ita uri zwi konḓe u bveledza muloro uyu. U zwi dzhia uri u kona Tshiisimane ndi zwa nṱha u fhira u kona luambo lwa ḓamuni na zwone zwo tou ṋaṋisa mafhungo.

Hu na nyambo nnzhi dzo xelaho u fana na Latin na dziṅwe nnzhi. Vhana vha musalauno vha amba Tshiisimane nahone a vha vhuyi vha zwi shonela u sa kona havho luambo lwa ḓamuni. Vhaṅwe vha ita na u inga nga u guda Tshifura, zwa sia u guda luambo lwa vhabebi vhavho zwi tshi tou vha zwithu zwi re kule kule navho.

Kha nyambo dza Afrika Tshipembe dza Tshiofisi, hu nga ḓi sala hu dzi si gathi dzi re na vhaambi. Hu na zwiko zwinzhi zwa luambo zwi fanaho na mitshino na nyimbo na ngoma (malende, mirundu, madomba na zwiṅwe) zwine arali hu si na nyambo zwi nga si kone u bvela phanḓa.