Tshimbupfhe Mavhulani

Tshimbupfhe ndi shango ḽi wanalaho Venḓa vunduni ḽa Limpopo. Afha ndi khou ṅwala ndo sedza muvhundu wa Mavhulani une nawo u wanala kha ḽa Tshimbupfhe fhasi ha vhurangaphanḓa ha vho Nemavhulani sa Vhamusanda fhedzi Tshimbupfhe nga u angaredza ḽi fhasi ha vhurangaphanḓa ha Thovhele Vho Tshedza Nesthimbupfhe. Mavhulani ndi muvhundu une vhadzulapo vha kha ḓi ḓihudza nga mvelele na maitele a Tshivenḓa nga u angaredza. Zwkolo zwa sialala zwi kha ḓi wanala, u tou fana na murundu/muḽa na vhukomba. Naho zwo ralo, Mavhulani ndi hune malende, tshigommbela na tshifasi zwi kha ḓi tshinwa saizwi hu iṅwe ya misthino ya sialala. Mashudumavhi ndi a uri mitshino i fanaho na tshikona, domba na musevhetho a zwi tsha wanala lune murafho u ḓaho hu na khonadzeo ya uri vha si zwi ḓivhe naho zwi tshipiḓa tsha mvelele na sialala zwa vhavenḓa. Honeha, zwi kha vhuraphanḓa ha shango, vhaaulwa na zwiimiswa zwi tshimbilelanaho na zwa mvelele uri vha vhone uri zwithu izwo zwi a vhuiswa. Zwi nga na kha kuambele kana malumelise one one a tshivenḓa a khou fela mbevha a tshi ya nga maanḓa kha vhaswa naho vho rapfhuzo vha tshi ṅwala na u ita ṱhoḓisiso dzo yaho nga u fhambana nga ha mvelele na sialala dzo yaho nga u fhambana u ya nga mirafho/tshaka. Naho zwo ralo, zwi nga a zwi khou swika nḓevheni dza vhane vha tea u zwi shandukisa, ngauralo hu tea u vha na iṅwe nḓila ya u ita zwithu uri mafhungo a swike hune a tea u swike hone uri hu kone u vha na tshanduko dzo teaho.